Hér getur þú skrifað ummæli og sagt álit þitt á þessari síðu, á starfseminni , þjónustunni eða öðru sem þér liggur á hjarta. Mér þætti vænt um að heyra hvernig þér og þínum hundi líkaði vistin hjá mér.
Gestabók
Hundar í Dofra
More Photos
Hér getur þú skrifað ummæli og sagt álit þitt á þessari síðu, á starfseminni , þjónustunni eða öðru sem þér liggur á hjarta. Mér þætti vænt um að heyra hvernig þér og þínum hundi líkaði vistin hjá mér.
|
#1 by Ingibjörg Stella Sigurðardóttir on 20 desember, 2011 - 20:36
Jólakveðja frá Billa og Billa mömmu.
Kæri Gauti.
Gleðileg jól og farsælt nýtt ár. Vonandi hefur þú átt góðar stundir á aðventunni með Emmu.
Billi vonar að hann fái gistingu hjá þér einhverntíma á næsta ári.
Kveðja Billi og Billa mamma( Stella)
#2 by Ingibjörg Stella Sigurðardóttir on 20 september, 2011 - 17:26
Aftur er Billi okkar búin að vera í lúxus hjá Gauta. Við urðum aðeins afbrýðissöm,þegar við komum upp á hæðina og hann var eins spenntur eins og þegar hann fer með okkur í veiðitúra, sem eru hápunktar fyrir hann. Dekurdýrið komst upp með ýmislegt hjá Gauta, sem ég þori ekki að sitja á prent til að aðrir hundaeigendur, sem kunna að ala upp hunda sjái það ekki. Okkar hundur er semsagt ekki alinn upp eftir bókinni. Ég held að sé gott fyrir hunda að komast í frí frá eigendum sínum, ef þeir komast á svona góðan stað. Takk fyrir hann Billa okkar.
Kveðja Stella Billamamma
#3 by Guðl. Gauti on 21 september, 2011 - 15:53
Billi er smásaman að kenna mér hvernig hann vill helst hafa hlutina og það er bara allt í lagi og alveg okkar á milli.
Takk fyrir, Gauti
#4 by Ingibjörg Stella Sigurðardóttir on 27 júní, 2011 - 22:22
Takk fyrir hann Billa okkar Gauti og takk fyrir myndina ,sem þú sendir mér.
Ég er svo örugg um dekurdýrið mitt, þegar hann er hjá þér.
Kveðja Stella Billamamma
#5 by Guðl. Gauti on 27 júní, 2011 - 22:49
Vonandi líður honum vel hérna hjá okkur. Billi er skemmtilegur karakter og gaman að hafa hann.
Gauti
#6 by Sturla on 30 mars, 2011 - 10:08
Sæll aftur frændi.
Þú ert alveg frábær og ekki vantar svörin frá þér, hættur við utanlandsför og ættla bara að dekra við hana Rannveigu mína í staðinn, en ég mun þiggja hjálp þína þann dag sem ég og mín lofaða fáum okkur hund því veit að hann mun fá það besta hjá þér elsku frændi, en Rannveigu ættla ég að halda
(fyrir mig )
Kveðja
Sturla Helgi
#7 by Sturla on 29 mars, 2011 - 20:32
Sæll Frændi.
Jæja frábært að sjá hvað þetta er prof hjá þér og hvað allir eru ánægðir með þennan máta að fá hunda sína vistaða á meðan fólk bregður sér frá í styttri eða lengri tíma, en kæri frændi ég hef verið að spá í að bregða mér frá í smá tíma með vinum mínum til útlanda (max 2 vikur) , smá fótbolta og kannski eitt eða tvö sundlaugarpartí, en er í smá vandræðum með hana Rannveigu mína þar sem hún þrífst ekki í búri í svona langan tíma, verður eitthvað svo sorry yfir að fá ekki að ganga laus þessi elska, svo kannski væri það bara frábær lausn að senda hana til þín og leika smá við Emmu, P.s þú verður að fara dálítið varlega að henni svona fyrstu dagana, en eftir það er hún öll önnur og fer að gera sín vana verk eins og að skúra, taka til og gera eitthvað gott að borða.
Kær kveðja og von um hjálp
Þinn frændi Sturla Helgi.
#8 by Guðl. Gauti on 29 mars, 2011 - 22:56
Sæll kæri frændi.
Skil ég það rétt að Rannveig sé kærastan þín? Ef það er rétt þá er hún auðvitað velkomin. Hins vegar þurfum við að horfa fram á vegin til þess tíma sem þú hefur áreiðanlega leitt hugan að, – nefnilega brúðkaupinu sjálfu sem sambúðin mun vafalaust leiða til. Þú veist hvað mér þykir vænt um þig kæri frændi og að ég vil þér ekkert nema það besta. Þess vegna verð ég að vara þig við að þeir sem koma í gistingu til mín vilja helst ekki fara aftur. Hundarnir fá engu ráðið um þetta og þeir eru nægjusamir og fljótir að sætta sig við þau kjör sem við mannfólkið búum þeim.
Þessu er allt öðruvísi farið með kærustur. Þær eru bæði sjálfstæðar og viljasterkar og vilja hafa eitthvað um sína eigin hagi að segja og um þær gilda ekki bara dýraverndarlögin heldur þykkir lagabálkar sem gætu gert okkur erfitt fyrir þegar þú kæmir að ná í Rannveigu. Í sem stystu máli sagt þá er ég nokkuð viss um að hún myndi ekki taka í mál að fara frá mér eftir að ég hef dekrað við hana í 2 vikur. Ekki nokkur sjéns og við því er ekkert að gera. Að öðru leyti líst mér bara vel á þetta.
Þinn frændi Gauti
#9 by Magga on 31 janúar, 2011 - 19:04
Sæll Guðlaugur
Ég var að velta fyrir mér hvort þú værir stundum með litla hunda?
Við þurfum stundum pössun fyrir einn lítinn, en erum smeyk að það gæti eitthvað komið uppá við svona miklu samneyti við þá stærri.
Hann er 1/2 árs núna og hvettur þegar hann sér stóra hunda en værum endilega til í að venja hann af því, svo eina sem við óttumst er að stærri hundur gæti meitt hann. Það eru til allt of mörg dæmi þess.
#10 by Guðl. Gauti on 1 febrúar, 2011 - 0:44
Sæl Magga.
Ég hef verið með nokkra smáhunda, Maltese, Pappilion ofl. Það hafa ekki komið upp nein vandamál en væntanlega getur það farið eftir einstökum hundum eins og alltaf er.
#11 by Ingibjörg Stella Sigurðardóttir on 17 október, 2010 - 17:09
Kæri Gauti.
Takk kærlega fyrir hann Billa okkar.Við höfum engar áhyggjur af honum hjá þér og núna í annað sinn sem hann dvelur hjá þér, þá sáum við best hvað hann var ánægður, þegar hann vældi á eftir Emmu, þegar við keyrðum frá húsinu.
Kveðja Stella og Pétur
#12 by Guðl. Gauti on 17 október, 2010 - 19:09
Svona er þetta. Stundum er hann hálfpirraður á Emmu þegar hún vill fá hann í hnoð en svo sakna þau hvors annars þegar leiðir skilja. En gott að heyra að þið skulið vera örugg með hann. Takk fyrir það.
#13 by Mike og Monika on 23 september, 2010 - 20:46
Kæri Gauti
Kærar þakkir fyrir Rúfus okkar sem var hjá þér í 3 vikur. Honum leið mjög vel hjá þér og Emmu sem hann saknar alveg rosalega. Þegar við komum heim var hann mjög ánægður enn sammt vildi fara aftur til þinn og leika meira við Emmu. Við munum alveg öruglega hafa samband aftur ef okkur vantar pössun fyrir Rúfus að því að við vitum að vel er hugsað um hann.
Með þökk fyrir og bestu kveðju, Mike, Monika og Rúfus.
#14 by Guðl. Gauti on 23 september, 2010 - 20:51
Það var gott að heyra þetta og hann er meira en velkominn aftur þessi öðlingur.
#15 by dagmar on 24 ágúst, 2010 - 12:09
Hæ hæ og til hamingju með síðuna , þetta er alveg frábært pottþétt eftir að notfæra mér þetta er með eina Labrador tík .
Kv
Dagmar og Mía .
#16 by sigríður Olsen on 6 ágúst, 2010 - 18:38
Kæri Gauti
Við þökkum þér innilega vel fyrir Baquis okkar sem var hjá þér í 3 vikur. Það
var svo greinilegt að Baquis leið vel og hafði það rosa gott hjá þér.
Hann kom heim sæll og glaður og vel stæltur eftir alla útiveruna og er ég ekki frá því að hann
hafi saknað ykkar Emmu þegar heim kom.
Þetta er sannkölluð hundaparadís og verð ég EKKI í vafa hvert ég sendi hann næst þegar ég þarf
pösssun fyrir hann,
kær kveðja Sigga og Baquis
#17 by Eva Dagmar Steinsson on 2 ágúst, 2010 - 23:37
Kæri Gauti
Eftir töluverða leit að hundagistingu fyrir Irska setterinn minn hann Hróa, þá hef ég fundið þann stað sem mér hugnast best. Það var fyrir algjöra tilvijun að ég fann þig en með því að slá inn leitarorðið “hundagisting” þá var eftirleikurinn auðveldur.
Í gegnum árin hefur það verið töluvert áhyggjuefni hver gæti passað Hróa þegar farið var í frí.
Það verður að segjast eins og er að dvöl Hróa hjá þér er í hæsta gæðaflokki. Þá á ég við að hann fær að dvelja inni á heimilinu hjá þér eins og hann væri heima hjá sér og lúta þeim reglum sem settar eru. Útivist og leikur er einnig hluti af dvölinni. Það er fer ekki á milli mála að hann hefur fengið góða umönnun og ljóst að samband hefur náðst á milli ykkar. Slíkt er mikils virði.
Við Hrói munum framvegis leita til þín um gistingu, annar staður kemur ekki til greina.
Með kærri kveðju, Eva og Hrói.
#18 by Ágústa Ólafsdóttir on 2 ágúst, 2010 - 20:29
Sæll Gauti
Þakka kærlega fyrir Hróa minn sem hefur nú fengið að dvelja hjá þér og Emmu í nokkur skipti í sumar. Það er frábært að geta skilið hann eftir hjá ykkur vitandi að honum líður vel og skemmtir sér konunglega… hann er farinn að þekkja leiðina til ykkar og spenningurinn orðinn þvílíkur þegar við komum á staðinn!
Enginn staður sem ég myndi frekar vilja hafa hundinn minn á þegar ég er fjarverandi
Kveðja Ágústa og Hrói
#19 by Elísa on 17 maí, 2010 - 14:44
Kæri Gauti
Takk kærlega fyrir Goluna okkar
Henni leið svo vel hjá þér og Emmu þinni
Við eigum eftir að mæla með þér og fá að koma til þín aftur.
Bestu kveðjur
Elísa og Gola
#20 by Guðl. Gauti on 17 maí, 2010 - 15:15
Gott að heyra og takk fyrir.
#21 by Kristinn on 11 maí, 2010 - 23:20
Sæll Gauti.
Sá auglýsinguna þína á hvuttum.. Sniðug hundagistingin hjá þér og gott að vita að svona lagað bíðst.
Kristinn
#22 by Guðl. Gauti on 11 maí, 2010 - 23:23
Velkominn hvenær sem er Kristinn. Kveðja.
#23 by Bjorn Stefánsson on 23 apríl, 2010 - 16:34
Sæll Gauti,
kærar þakkir fyrir hana Perlu mína, sem dvaldi hjá þér í 3 vikur um Páskana.
Perla kom heim í góðu jafnvægi og vel haldin, hún var mikið stæltari og hraustari eftir heimkomuna en þegar hún fór til þín! Hlaupin úti með Emmu og Rocky, virkuðu sem besta heilsurækt. Ég mæli hiklaust með gæslu hjá þér, það er mikils virði fyrir eigendur að geta verið rólegir og öruggir með gæludýrin sín í gæslu á Dofra.
Kem örugglega með Perlu aftur, þegar á þarf að halda.
Ég setti annan hund sem ég átti á 3 önnur hundahótel á sínum tíma og ætla ekki að bera það saman, hvað ég var mikið ánægðari núna.
Ein ábending; þegar maður leitar að hundahóteli eða hundagæslu á leitarvélunum, kemur Dofri ekki upp, það kæmi sér betur fyrir þig, ef hægt er að lagfæra það.
Kær kveðja,
Björn Stefánsson og Hrefna Jónsdóttir
#24 by Hrund Kristjánsdóttir on 17 apríl, 2010 - 10:47
Kæri Gauti,
Takk fyrir frábæra umönnun á Rocky (Ungversk Vizsla) í þær tvær vikur sem hann dvaldi hjá þér. Það leyndi sér ekki að honum hafði liðið vel hjá þér í okkar fjarveru. Hann var mjög vel haldinn og sprækur þegar hann snéri aftur heim ólíkt þeirri reynslu sem við urðum fyrir þegar hann dvaldi á hundahóteli í viku. Þá kom hann horaður og hálf taugatrektur til baka. Við munum án efa leita til þín aftur næst þegar við þurfum á hundapössun að halda!
Hrund, Ágúst og Glódís Eva
#25 by Kari Gauti on 22 febrúar, 2010 - 0:52
Tilhamingju með síðuna. Þetta er náttúrulega hinn fullkomna hugmynd fyrir hunda áhugamann á besta aldri!